Medo e Dor

Estes dous sentimentos, con frecuencia correlativos, foron o foco dos semanarios Istoé e Paris Match sobre a traxedia do voo Air France 447 entre Rio de Janeiro e Paris. No medio brasileiro a preocupación polo futuro da seguridade aérea maniféstase nunha portada impactante propia do cinema de catástrofes. No semanario francés, o presente, o realismo da dor dos familiares cáptase (dende moi preto) nunha fotografía de apertas e bágoas.